ដំណឹងពិសេស! ក្រសួងប្រកាសរើសអ្នកស្ម័គ្រចិត្ត ៧ ពាន់នាក់ ក្នុងព្រឹត្តិការណ៍កីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២
គិតត្រឹមថ្ងៃទី ០១ ខែកុម្ភៈ ឆ្នាំ ២០២៣ នេះ ស៊ីហ្គេម ២០២៣ នៅសល់ពេលវេលាតែ ៩៣ ថ្ងៃទៀតប៉ុណ្ណោះ ខណៈកម្ពុជាបានត្រៀមខ្លួនរួចជាស្រេច ក្នុងការធ្វើជាម្ចាស់ផ្ទះ នៃព្រឹត្តិការណ៍ការប្រកួត កីឡាអាស៊ីអាគ្នេយ៍លើកទី ៣២ ឆ្នាំ ២០២៣ (32nd SEA Games) និងអាស៊ានប៉ារ៉ាហ្គេមជាទី១២ (12th ASEAN Para Games)។
ទន្ទឹមទៅនឹងព្រឹត្តិការណ៍កីឡាដ៏ធំដែលកៀកខិតជិតមកដល់ នៅថ្ងៃទី ០១ ខែកុម្ភៈ ឆ្នាំ ២០២៣ នេះ ក្រសួងអប់រំ បានប្រកាសជ្រើសរើសអ្នកស្ម័គ្រចិត្ត ៧០០០ នាក់ សម្រាប់ព្រឹត្តិការណ៍កីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ ខណៈការទទួលពាក្យ ចាប់ផ្ដើមពីថ្ងៃទី ០១ ខែកុម្ភៈ ដល់ថ្ងៃទី ០១ ខែមីនា ឆ្នាំ ២០២៣៕
