(វីដេអូ) កាន់តែផ្អែម! យូប៊ីន ដេកកើយភ្លៅ វ៉ៃហាំង យ៉ាងរំភើយអត់ក្រែងចិត្តក្រុមការងារសោះ
ទំនាក់ទំនងរវាងអ្នកកំលោះរូបសង្ហាដែលជាតារាសម្ដែងប្រុសដ៏ល្បី ខាត់ វ៉ៃហាំង និង តារាសម្ដែង ស៊ីន យូប៊ីន កាន់តែផ្អែមល្ហែមឡើងរាល់ថ្ងៃ មិនថាទៅចូលរួមកម្មវិធីតូចធំ ឬទៅណាមកណាទេ គេតែងឃើញពួកគេទាំងពីរបណ្ដើរគ្នាយ៉ាងត្រសងដូចលលកញីឈ្មោល។
កន្លងមក អ្នកគាំទ្រច្រើនតែឧស្សហ៍ឃើញអ្នកទាំងពីរបង្ហាញរូបភាព ឬវីដេអូផ្អែមល្ហែមបង្ហោះនៅលើបណ្ដាញសង្គមឱ្យមហាជនបានឃើញ តែនៅចំពោះមុខក្រុមការងារវិញ ក៏ យូប៊ីន និង វ៉ៃហាំង មិនសំចៃដៃដែរ គឺកាន់តែល្អូកល្អិនមិនខ្វល់ពីអ្នកនៅជុំវិញខ្លួនឡើយ។
ជាក់ស្ដែងថ្មីៗនេះ មានការទម្លាយវីដេអូស្វីតខ្លាំងមួយរបស់តារាសម្ដែងប្រុសស្រីមួយគូនេះ បង្ហោះនៅលើបណ្ដាញសង្គម Tiktok បង្ហាញពីសកម្មភាព យូប៊ីន កំពុងដេកកើយភ្លៅ វ៉ៃហាំង យ៉ាងមានក្ដីសុខ ចំណែកឯខាងប្រុសក៏បានយកដៃឱបខាងស្រីពោលពេញដោយភាពកក់ក្ដៅ ដោយមិនខ្វល់ពីក្រសែភ្នែកក្រុមការងារនៅជុំវិញនោះឡើយ។ សូមចុចទីនេះដើម្បីទស្សនាវីដេអូ ៖
