ក្ដីសុខពេញទី! វណ្ណដា ជុំឪពុកម្តាយ និង បងប្រុសយ៉ាងកក់ក្តៅ នាំគ្នាដើរលេងសម្រេចក្តីស្រមៃ
ត្រឡប់ទៅកាលពីប៉ុន្មានឆ្នាំមុន ពោលគឺអំឡុងពេលកំពូលតារាចម្រៀងរ៉េបលំដាប់ប្រទេស វណ្ណដា កំពុងដើរចាប់ក្ដីស្រមៃរបស់ខ្លួន ជារឿយៗលោកតែងទន្ទេញជាប់ជានិច្ចថា ខ្លួនគ្មានពេលសម្រាប់គ្រួសារសោះ ព្រោះក្នុងមួយថ្ងៃសឹងតែ ២៤ ម៉ោងទៅហើយ លោកចំណាយពេលតែជាមួយនឹងតន្ត្រី។
ទាំងនេះហើយគឺជាហេតុ និង ផលរបស់ វណ្ណដា ដែលលោកធ្លាប់លើកឡើងឥតឈប់ ទាំងក្នុងអត្ថន័យបទចម្រៀង ព្រមទាំងក្នុងបទសម្ភាសផ្សេងៗថា ក្ដីស្រមៃដ៏ធំរបស់លោកគឺចង់ចំណាយពេលឱ្យបានច្រើនតាមដែលអាចធ្វើទៅបានសម្រាប់គ្រួសារ ជាពិសេសគឺម៉ាក់ប៉ាតែម្ដង។
យ៉ាងណាមិញ បច្ចុប្បន្ននេះក្នុងជំពូកទី ១ របស់ វណ្ណដា អាចនិយាយបានថា ក្ដីស្រមៃ ព្រមទាំងប្រជាប្រិយភាពរបស់តារារ៉េបរូបនេះបានសម្រេចដូចអ្វីដែលគ្រោងទុកទៅហើយ។
ដោយឡែកថ្មីៗនេះ មហាជនជាពិសេសអ្នកគាំទ្ររបស់លោក ពិតជាបានឃើញ និង ជ្រាបច្បាស់ហើយថា ឥឡូវលោកមានពេលច្រើនជាងមុនសម្រាប់គ្រួសារ ព្រោះមួយរយៈកន្លងមក ឃើញតារារ៉េបរូបនេះតែងធ្វើដំណើរឡើងចុះស្រុកកំណើត ព្រមទាំងមានដំណើរកម្សាន្តជុំគ្រួសារ ពោរពេញដោយក្ដីសុខ និង កក់ក្ដៅជាទីបំផុត។
រីករាយទស្សនា បណ្ដុំរូបភាពរបស់ វណ្ណដា និង ក្រុមគ្រួសារខាងក្រោម ៖
