មិនធម្មតា​ទេ​! វ័យ​ត្រឹម​១៣​ឆ្នាំ​ចូលរួម​ប្រឡង​បាក់​ឌុ​ប ជាប់​ជា​បេក្ខជន​វ័យក្មេង​បំផុត( មានវីដេអូ)

0
38

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

រាជធានី​ភ្នំពេញ ៖ កុមា​រា ហ៊ឺ ទៀង​គី​ម​ហុង ដែល​កន្លង​មក ធ្លាប់​ត្រូវ​បាន​ប្រមុខ​ដឹកនាំ​រាជរដ្ឋាភិបាល​សម្តេច​តេ​ជោ ហ៊ុន សែន បាន​ហៅ​ថា «​ជា​មនុស្សទេព​» នោះ បាន​ចូលរួម​ប្រឡង​សញ្ញាបត្រ​ទុតិយភូមិ​ឆ្នាំ​២០២២ ដែល​ទើបតែ​បញ្ចប់​ទៅ​កាលពី​ថ្ងៃ​អង្គា​រ៍ ទី​៦ ខែធ្នូ ម្សិលមិញ​នេះ​។ ស្ថិត​ក្នុង​វ័យ​ត្រឹមតែ​១៣​ឆ្នាំ កុមា​រា ហ៊ឺ ទៀង​គី​ម​ហុង ត្រូវ​បាន​ចាត់​ទុក​ថា ជា​បេក្ខជន​ប្រឡង​បាក់​ឌុ​ប​ដែល​វ័យក្មេង​បំផុត​នៅ​កម្ពុជា​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

លោក ដួង តារា ជំនួយការ​ផ្ទាល់​របស់​សម្តេច​តេ​ជោ ហ៊ុន សែន បាន​បង្ហាញ​អារម្មណ៍​យ៉ាង​ដូច្នេះ​ថា «​ពូ​ពិតជា​សប្បាយ​រីករាយ និង​សូម​អបអរសាទរ​ក្មួយ ហ៊ឺ ទៀង​គី​ម​ហុង ដែល​បាន​ខិតខំ​រៀនសូត្រ រហូត​ឈាន​ដល់​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ (​បាក់​ឌុ​ប​) សម័យ​ប្រឡង​ថ្ងៃ​ទី​០៥ ខែធ្នូ ឆ្នាំ​២០២២ ដែល​ទើបបាន​បញ្ចប់​នៅ​ថ្ងៃ​ទី​០៦ ធ្នូ នេះ​។ ផ្អែក​លើ​សមត្ថភាព​ដ៏​ពិសេស​នេះ ពូ​សង្ឃឹមថា ក្មួយ​នឹង​ប្រឡង​ជាប់​ជាក់​ជា​មិ​ខាន​»​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

បន្ថែម​ពីលើ​នេះ លោក ដួង តារា បាន​សរសេរ​សារ​បង្ហោះ​នៅ​លើ​បណ្តាញ​សង្គម​ហ្វេ​ស​ប៊ុ​ក​នា​រាត្រី​ថ្ងៃ​ទី​៦ ខែធ្នូ បង្ហាញ​ការ​អរគុណ​ដល់​ឯកឧត្តម​បណ្ឌិត លី ឆេ​ង អគ្គនាយក​ប៊ែ​ល​ធី គ្រុប (Beltei) និង​ជា​សាកល​វិទ្យា​ធិ​ការ នៃ​សាកលវិទ្យាល័យ​ប៊ែ​ល​ធី អន្តរជាតិ ដែល​បាន​ផ្តល់​អាហារូបករណ៍​ដល់​ក្មួយ​អោយ​ទទួល​បានការ​សិក្សា​នៅ​សាលា​ប៊ែ​ល​ធី​អន្តរជាតិ រហូត​មក​ទល់​ពេល​នេះ និង​សូម​អរគុណ​លោកគ្រូ អ្នកគ្រូ ដែល​បាន​យកចិត្តទុកដាក់​អប់រំ​បង្ហាត់បង្រៀន​ក្មួយ​ហុង​អោយ​ក្លាយជា​កូនសិស្ស​ល្អ​ប្រកប​ដោយ​សមត្ថភាព​ខ្ពស់​។ «​ខ្ញុំបាទ សូម​គោរព​អរគុណ សម្តេច​តេ​ជោ​នាយក​រដ្ឋមន្ត្រី ដែល​បាន​ទំនុកបម្រុង​ឧបត្ថម្ភ​ជម្រក​ស្នាក់​នៅ ព្រមទាំង​ថវិកា​ឧបត្ថម្ភ​ដល់​ការ​សិក្សា​របស់​ក្មួយ គី​ម​ហុង និង​ក្រុម​គ្រួសារ​នៅ​ក្នុង​រាជធានី​ភ្នំពេញ​»​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

នេះ​ជា​ការ​លើក​ឡើង​របស់​លោក ដួង តារា ដោយ​លោក​បន្ត​ថា «​ពូ​មាន​ជំនឿ និង​សង្ឃឹម​យ៉ាង​មុតមាំ​លើ​សមត្ថភាព​ក្មួយ គី​ម​ហុង និង​សូម​ជូនពរ​ក្មួយ​ឲ្យ​ប្រឡង​បាន​ជាប់​បាក់​ឌុ​ប​ជា​ស្ថាពរ​»​។

សូម​រម្លឹក​ថា កុមា​រា ហ៊ឺ ទៀង​គី​ម​ហុង ជា​ក្មេង​ប្រុស​ឆ្លាត​មួយ​រូប និង​លេចធ្លោ​ខ្លាំង រហូត​ត្រូវ​បាន​សម្តេច​​តេ​ជោ ហ៊ុន សែន នាយក​រដ្ឋមន្ត្រី​កម្ពុជា កាលពី​អំឡុង​ខែកក្កដា ឆ្នាំ​២០០៧ អនុញ្ញាត​ឱ្យ​ចូល​ជួប​។ កាលនោះ​នៅ​ជំនួប​នោះ គឺ​មាន​កុមារ ហ៊ឺ ទៀង​គី​ម​ហុង ក្រុម​គ្រួសារ​កុមារ លោកគ្រូ​ទាំង​ពីរ​រូប និង​សម្តេច​ផ្ទាល់​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

នៅ​ជំនួប​ប្រមាណ​ជិត​២​ម៉ោង នៅ​ភូមិ​គ្រឹះ​សម្តេច​តេ​ជោ ហ៊ុន សែន ជាមួយនឹង​ការ​សាកល្បង​ផ្ទាល់​ពី​សម្តេច​នាយក​រដ្ឋមន្ត្រី​ផង​នោះ សម្តេច​បាន​កោតសរសើរ​ពី​សមត្ថភាព​របស់ កុមារ ហ៊ឺ ទៀង​គី​ម​ហុង និង​បាន​ហៅ​កុមា​រា គី​ម​ហុង ថា «​ជា​មនុស្សទេព​» ហើយ​ប្រហែលជា​មិន​មាន​មនុស្ស​ពិសេស​បែប​នេះ​ទេ​នៅ​លើ​ពិភពលោក ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

កាល​គ្រានោះ សម្តេច​តេ​ជោ​នាយក​រដ្ឋមន្ត្រី​កម្ពុជា បាន​ប្រៀបប្រដូច កុមារ ហ៊ឺ ទៀង​គី​ម​ហុង ជា​ជំនួយការ​របស់​មេបញ្ជាការ​យោធា នាយសេនាធិការ​កងទ័ព​គ្រប់​កម្រិត​ក្នុង​ផ្នែក​ផែនទី ឬ​ជំនួយ​សេនាធិការ​ផ្នែក​កល​យុទ្ធ រីឯ​លោកនាយក​រដ្ឋមន្ត្រី គឺជា​មេបញ្ជាការ​យោធា​នៅ​សមរភូមិ​មួយ​។ ក្នុង​នាម​លោក​ជា​មេបញ្ជាការ​នៅ​សមរភូមិ លោក​ត្រូវការ​ផ្តល់​ជំនួយ​ដោយ​កាំ​ភ្លើ​.​ង​ធំ និង​កងទ័ព​ជើង​អាកាស​ទៅ​កាន់​ទីតាំង​មួយ ទើប​ប្រាប់​កុមារ គី​ម​ហុង ឱ្យ​រក​គោលដៅ និង​ចម្ងាយ​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

គ្រាន់តែ​បែរមក​និយាយ​ជាមួយ​ឪពុក​ម្តាយ​របស់ គី​ម​ហុង មិន​បាន​ប៉ុន្មាន​ម៉ាត់​ផង គី​ម​ហុង បាន​រក​ឃើញ​រួច​ស្រេច​ទៅ​ហើយ​។ ការ​រក​ឃើញ​ចំណុច​ទីតាំង និង​ចម្ងាយ​លើ​ផែនទី​ក្នុង​រយៈពេល​ដ៏​ខ្លី​តាម​រយៈ​កុំព្យូទ័រ​របស់​ចៅ​ខ្លួន​នេះ បាន​ធ្វើ​ឱ្យ​សម្តេច​តេ​ជោ ហ៊ុន សែន ភ្ញាក់ផ្អើល នឹក​ស្មាន​មិន​ដល់​។ សម្តេច​បាន​ពោល​សរសើរ​កុមារ ហ៊ឺ ទៀង​គី​ម​ហុង កាល​គ្រានោះ​ថា « គី​ម ហុង មាន​សមត្ថភាព​ច្រើន​ជាង​ខ្ញុំ​លើ​ការ​ប្រើ​កុំ​ព្យួ​ទ័​រ នេះ​ជា​ការ​ពិត​មួយ​ដែល​ខ្ញុំ​ត្រូវ​តែ​ទទួលយក​។ តា​ទទួល​រ៉ាប់រង​ទាំងអស់​លើ​ការ​ឈាន​ឡើង​របស់​ចៅ​»​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

នៅ​ពេល​ពោល​ដល់​ចំណុច​នេះ យើងខ្ញុំ​ក៏​សូម​រំឭក​ជូន​ផង​ដែរ សម្តេច​តេ​ជោ ហ៊ុន សែន បាន​អញ្ជើញ​ជួប​ផ្ទាល់​ជាមួយ​ក្រុម​គ្រួសារ លោកគ្រូ​អ្នកគ្រូ របស់​កុមារ ហ៊ឺ ទៀង​គី​ម​ហុង នៅ​ភូមិ​គ្រឹះ​លោក កាលពី​ព្រឹក​ថ្ងៃ​ទី​១៩ ខែកក្កដា ឆ្នាំ​២០១៧ ថា បន្ទាប់​ពី​ទទួល​ព័ត៌មាន​អំពី​កុមារ​ម្នាក់ ដែល​មាន​អាយុ​ទើបតែ​៧​ឆ្នាំ ប៉ុន្តែ​មាន​សមត្ថភាព​អស្ចារ្យ​អាច​ដោះស្រាយ​លំ​ហាត់​គណិត​វិទ្យា​ថ្នាក់​ទី​១២ បាន​យ៉ាង​ល្អ​នោះ​៕

សូមទស្សនាវីដេអូខាងក្រោម៖

Previous articleតារា​កំប្លែង នាយ​តាក់ស៊ី ត្រូវការ​ឈា​.​ម​បន្ទាន់​ពី​កញ្ញា នី មុន្នីនាថ ដោយ​មូលហេតុ​មួយ
Next articleទុក្ខ​ជាន់​ទុក្ខ​! ម្តាយ​ស្លា​.​ប់​មួយ​ចំហៀង​ខ្លួន កូន​ៗ៣​នាក់​គ្រុន​ឈា​.​ម តើ​ចៅ​តូច​ៗ​គិត​យ៉ាងណា​ទៅ?